Памятаем і шануем

9 мая - дзень, напоўнены гонарам за подзвіг продкаў, дзень памяці і падзякі ветэранам Вялікай Айчыннай вайны. Напярэдадні гэтага светлага дня асаблівую ўвагу надаюць тым, хто перажыў страшныя выпрабаванні вайны, хто прайшоў праз пекла фашысцкіх канцлагераў.

У населеным пункце Грабяні прадстаўнікі Стадоліцкага сельвыканкама, Стадоліцкай сярэдняй школы, аддзялення паштовай сувязі, раённай арганізацыі РГА "Белая Русь" і пагранічнай заставы "Грабені" наведалі Антаніну Пятроўну Саўрасаву - былую вязню фашысцкага канцлагера.

Антаніну Пятроўну павіншавалі з Днём Перамогі, выказалі глыбокую ўдзячнасць за стойкасць і мужнасць.

У знак увагі і падзякі вязні ўручана аднаразовая матэрыяльная дапамога да Дня Перамогі, а таксама кветкі і памятныя падарункі.